Búgin Astana mektepterinde sabaq bolmaıdy
ASTANA. QazAqparat - Úskirik aıazǵa baılanysty Astana mektepterinde 0 - 12 synyptarǵa sabaq bolmaıdy, dep habarlaıdy qazAqparat qalalyq TJD-ne silteme jasap.
Olardyń habarlaýynsha, Astanadan shyǵatyn joldardyń bári jabyq
Degenmen Astana LRT búgin tańǵy saǵat 7-den bastap №304, 306, 307 qala mańyna qatynaıtyn baǵdarlardyń qozǵalysy qalpyna keltirilgendigin málim etti.
«Sonymen qatar № 301, 302, 303, 320 baǵdarlardyń qozǵalysy jalǵasýda. Aýa raıynyń qolaısyzdyǵyna baılanysty qala mańyna qatynaıtyn № 300, 305, 308, 309, 310, 311, 312, 313, 315, 316, 317 baǵdarlardyń qozǵalysy toqtatylady. Sizden barynsha saq bolyp, úsip qalmaýlaryńyzdy, óz saparyńyzdy aldyn ala oılastyrýyńyzdy suraımyz. Qozǵalystyń qalpyna keltirilgendigi jaıynda qosymsha habarlaıtyn bolamyz. Astana qalasynyń qoǵamdyq kóligine qatysty jańalyqtardy Astana LRT facebook, instagram paraqshalarynan jáne www.alrt.kz saıtynan bile alasyzdar», delingen habarlamada.
