Búgin Astana medıtsına ýnıversıteti 50 jyldyǵyn atap ótedi
ASTANA. QazAqparat - Búgin Beıbitshilik jáne kelisim saraıynda Astana medıtsına ýnıversıtetiniń 50 jyldyq mereıtoıyna arnalǵan saltanatty is-shara ótedi.
1964 jylǵy 26 qazanda Qazaqstan Kommýnıstik Partııasynyń Ortalyq komıteti jáne Qazaq Keńestik Sotsıalıstik Respýblıkasy Mınıstrler Keńesi Tselınograd qalasynda medıtsınalyq ınstıtýt ashý týraly sheshim qabyldady. Sol sheshim negizinde búgingi Astana medıtsına ýnıversıteti qurylyp, qyzmet etip keledi. Qazirgi ýaqytta Ýnıversıtet joǵary kásibı bilim berýdiń 6 baǵdarlamasy, magıstratýranyń 5 baǵdarlamasy, doktorantýranyń 3 baǵdarlamasy jáne rezıdentýranyń 26 mamandyǵy boıynsha, sonymen qatar qosymsha bilim berý baǵdarlamalary boıynsha mamandar daıarlaıdy.
