Búgin Almatynyń bas jańajyldyq shyrshasy jaǵylatyn bolady
ALMATY. 30 qarasha. QazAqparat /Názıra Eleýhan/ - Búgin Almatyda keshkisin qala basshysy Ahmetjan Esimovtyń qatysýymen Respýblıka Saraıynyń aldyndaǵy Abaı alańynda basty jańajyldyq shyrshanyń jaǵylýynyń dástúrli rásimi ótedi.
Saltanatty rásimge Almaty qalasynyń ardaqty azamattary Marfýǵa Aıtqojına, Sultan Jıenbaev, QR Halyq ártisi Lakı Kesoglý, Olımpıada jeńimpazy Olga Shıshıgına, shahmat boıynsha tórt dúrkin jeńimpaz Jansaıa Abdýmálik, «Mıssıs Qazaqstan - 2011» arýy Vıktorııa Momynbaeva, «Almaty arýy - 2011» Aıgerim Bekenova jáne taǵy da basqa qalamyzdyń qurmetti azamattary qatysady.
Merekelik sharaǵa balalar úıi men turmystyq jaǵdaıy tómen otbasylardan 1000-nan astam balalar arnaıy shaqyryldy. Olarǵa mereke barysynda jańajyldyq syılyqtar tartý etiletin bolady.
Keshte balalar men meımandarǵa arnalǵan Aıaz Ata men Aqshaqardyń qatysýymen sahnalyq kórsetilim uıymdastyrylady. Sonymen qatar, baǵdarlama aıasynda Mádına Sádýaqasova, Janna Orynbasarova, Jamılıa Serkebaeva, «Orda», «Táńsári» toptarynyń merekelik án shashýy men «Vozrojdenıe» sán teatrynyń kórsetilimi ótedi.
