Búgin Almatyǵa Batyr keledi
ASTANA. QazAqparat - Búgin qazaqstandyq jas kásipqoı boksshy Batyr «777» Júkembaev (4-0, 4 ko) Almatyǵa keledi.
Ol shildeniń 7-i kúni (Astana ýaqytymen 8 shildede) Kanadanyń Kvebek qalasynda óziniń kásibı rıngtegi 4-shi jekpe-jegin ótkizip, tórtinshi jeńisine qol jetkizgen bolatyn. Júkembaev Kanadada meksıkalyq boksshy Rendı Lozanoǵa (10-10-2, 7 ko) qarsy ótkizip, 3-raýndta texnıkalyq nokaýtpen jeńiske jetti. Ol osyǵan deıin ótkizgen 3 jekpe-jeginde de qarsylastaryn merziminen buryn nokaýtpen utqan bolatyn. Ázirge jeńilistiń aşy dámin tatyp kórmegen Batyrdy jankúıerleri búgin túngi saǵat 00:00-de Almaty halyqaralyq áýejaıynda kútip alady dep josparlanyp otyr. Ol Almatyda bir aıǵa jýyq ýaqyt tynyǵyp alyp, kelesi jekpe-jegine jattyǵýdy bastamaq.
