Búgin Almatyda júzý basseıni bar sport kesheni ashylady
ASTANA. 27 shilde. QazAqparat - Almatynyń Túrkisib aýdanynda búgin júzý basseıni bar iri sport kesheni ashylady, dep habarlady sports.kz portaly ońtústik astananyń ishki saıasat basqarmasyna silteme jasap.
"27 shildede saǵat 11-de Almatyda Seıfýllın dańǵyly men Moldaǵalıev kóshesiniń qıylysynda Túrkisib aýdanyndaǵy júzý basseıni bar «Abylaı han» dep atalatyn alǵashqy iri sport kesheniniń ashylý saltanaty bolady», - delingen habarlamada.
Jańa sport nysany halyqaralyq standarttarmen salynǵan. Ol sý sporty sportshylarynyń barlyq talaptaryna saı keledi.
Onyń ashylýy saltanatyna Almaty qalasy ákiminiń orynbasary Záýresh Amanjolova, aýdan basshylyǵy, ártúrli sport federatsııalarynyń ókilderi men tanymal sportshylar qatysady. Sharaǵa baǵdarlamasynda atletterdiń óner kórsetýi, kontsert baǵdarlamasy, utys oıyndary jáne basqa da kóptegen qyzyqty baǵdarlama josparlanǵan.
