Búgin Almatyda jaısyz meteojaǵdaı qalyptasady
ASTANA. QazAqparat – Búgin Almatyda jaısyz meteorologııalyq jaǵdaı qalyptasyp aýa lastanady, dep habarlaıdy QazAqparat «Qazgıdromet» RMK-na silteme jasap.
«27 maýsymda Almaty qalasynda aýa lastanýynyń qolaısyz meteorologııalyq jaǵdaılary kútiledi»,-delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
