Búgin Almatyda jańa MEGA Park saýda oıyn-saýyq ortalyǵy ashyldy (FOTO)
Jańa saýda nysanynyń Konstıtýtsııa kúni merekesine sáıkes kelgen saltanatty ashylymyna Almaty qalasynyń ákimi Ahmetjan Esimov, «Qazaqstan Halyq banki» AQ Dırektorlar keńesiniń tóraǵasy Aleksandr Pavlov, «Qazaqstan Halyq Banki» AQ basqarma tóraıymy Úmit Shaıahmetova jáne «Astana» kompanııalar tobynyń prezıdenti Nurlan Smaǵulov qatysty.
«Almatyda osymen úshinshi «Mega» saýda oıyn-saýyq ortalyǵy ashylyp otyr. Bul da almatylyqtardyń turmys deńgeıiniń joǵarylap jatqandyǵyn kórsetse kerek. Biz 90-shy jyldarda qoldanylǵan saýda-sattyq júıeden jańa, órkenıetti saýdaǵa kóship jatyrmyz. Myna ortalyqta barlyq jaǵdaı jasalǵan. Munda adamdar saýda jasaý úshin ǵana emes, demalý úshin de búkil otbasymen kele alady. Ortalyqtyń qurylysyna jalpy 23 mıllıard teńge jumsalǵan. Jalpy aýmaǵy 105 myń sharshy metr. 100-den astam dúken jumys isteıdi. Bul áleýmettik jaǵynan óte mańyzdy joba», - dedi óz sózinde Ahmetjan Esimov.
Aıta ketelik., jańa saýda oıyn-saýyq ortalyǵynyń kommertsııalyq aýdanynyń kólemi 46 333 sharshy metrdi quraıdy. Sonymen qatar, munda 23 kafe men meıramhana jáne 1000 oryndyq «meıramhanalyq aýla», ıaǵnı fýdkort tamaqtaný orny jumys isteıdi.
Sońǵy segiz jyl ishinde elimizdiń kóptegen qalalarynda jalpy aýdany 391 832 sharshy metr bolatyn bes «Mega» saýda oıyn-saýyq ortalyǵy ashylypty.
Sóz sońynda qala basshysy Ahmetjan Esimov «MEGA» saýda oıyn-saýyq ortalyqtarynyń menshik ıesi - Astana Group kompanııasynyń prezıdenti Nurlan Smaǵulovtyń Almaty qalasy úshin sińirgen eńbekterin baǵalap, atalmysh nysandy «MEGA Park» emes, «Nur Mega» dep ataýdy usyndy. Jınalǵan jurtshylyq jyly shyraımen qol shapalaqtap qoldaý kórsetti.