Búgin Almatyda tuman, kóktaıǵaq bolýy múmkin: qalalyq TJD eskertý jasady
ALMATY. QazAqparat - Almaty qalasynyń Tótenshe jaǵdaılar departamenti Qazgıdromet málimetteri negizinde 9 aqpanda Almaty qalasynda, sondaı aq irgeles taýly aımaqtarda tuman, kóktaıǵaq bolatynyn málim etti, dep habarlaıdy QazAqparat.
9 aqpanda Almatyda tuman, kóktaıǵaq bolýyna baılanysty qalalyq TJD turǵyndarǵa kóshede jáne jolda kezinde abaı bolýǵa shaqyrdy.
«Esińizde bolsyn, qar men kóktaıǵaq kezinde kólik júrgizý kúrt qııyndaıdy, osynyń saldarynan júrgizýshilerdiń jaıaý júrginshilerdi qaǵyp ketýi qaýipi artady;
- joldy arnaıy belgilengen jerden kesip ótý kerek;
- kólik basqaryp kele jatyp alańdatatatyn nárselerdiń bolmaýyn qadaǵalańyz (uıaly telefonmen sóılesý jáne t.b. eshteńege alańdamańyz;
- árqashan aldyńyzǵa, aıaq astyna qarańyz;
- aıaq kıimdi durys tańdaýǵa nazar aýdarý kerek. Aıaq kıim budyrly órnegi bar taıǵanamaıtyn materıaldan jasalǵan tegis tabandy bolǵany jón;
- qolyńyzdy qaltańyzda salyp júrmeńiz, bul sizge muzda tepe-teńdikti saqtaýǵa múmkindik beredi;
– esińizde bolsyn, trotýarlar, qalalyq kólik aıaldamalary, dúkenderge kire beristegi baspaldaqtar, tipti óz úıiniń kireberisi- adamdar jıi jaraqat alyp qulaıtyn jerler bolyp tabylady», - delinedi qalalyq TJD habarlamasynda.
