Búgin Almatyda sportshylardy Azııa oıyndaryna shyǵaryp salý rásimi ótti
ASTANA. QazAqparat - Búgin Almatyda Balýan Sholaq stadıonynda qazaqstandyq sportshylardy VIII qysqy Azııa oıyndaryna shyǵaryp salý rásimi ótti, dep habarlaıdy QazAqparat tilshisi.
Otandyq sportshylarǵa Ulttyq shtattyq komandalar jáne sporttyq rezerv dırektsııasy dırektorynyń orynbasary Alekseı Krıýchkov sáttilik tiledi. Saltanatty sharada elimizdiń týy shańǵyshy Erdos Ahmetovqa tabystaldy. Ol Sapporodaǵy VIII Azııa oıyndarynyń ashylý saltanatynda týymyzdy alyp júredi.
Esterińizge sala keteıik, buǵan deıin Erdos Sochı Olımpıadasy kezinde elimizdiń týyn alyp shyqqan bolatyn.
Japonııanyń Sapporo qalasyndaǵy Azııa oıyndary 19-26 aqpan aralyǵynda ótedi. Qazaqstandyq delegatsııa 116 sportshyny qurap otyr. Olar sporttyń barlyq 11 túrinen saıysqa túsedi.
FOTO Oleg Spıvak
