Búgin Almatyda «Qazaqstan Arýy-2011» baıqaýynyń aqtyq syny ótedi

Jeńimpazǵa sulýlyq tájimen qatar, tuńǵysh ret baıqaý tarıhynda 37 gaýhar tastan turatyn alqa syıǵa tartylatyn bolady. Ol alqany Mary Kay kompanııasy usynyp otyr. Sondaı-aq, «Álem Arýy-2012» baıqaýyna Qazaqstannyń atynan qatysý múmkindigine ıe bolady.

Esterińizge sala ketsek, eń sulý qyzdar arasyndaǵy sulýlyq hanshaıymy tájine kúres 1 mamyrda bastaldy. Sol ýaqyt aralyǵynan ár óńir óz arýyn anyqtady. Baıqaýlarǵa jalpy sany 300-ge jýyq qyzdar qatysty. Búgin aqtyq synǵa aımaq jeńimpazdary atanǵan on alty qalanyń 16 arýy qatysady. Synda «Azıada», «Mary Kay», «NUR KZ» jáne «Karavan» arýlary baqtaryn synaıdy.

Aqtyq synǵa shyqqan Arýlar Jado-dan ulttyq kıimderi men Mary Kay-diń keshki kóılekterimen sahnaǵa shyǵady.

«Barlyq qatysýshylar - Qazaqstannyń eń sulý qyzdary. Sondyqtan, árqaısysy hanshaıym ataǵy men gaýhar alqaǵa laıyqty. Arýlarǵa armandaryńyzǵa senińizder, ol mindetti túrde oryndalady degim keledi»,-deıdi «Merı Keı (Qazaqstan)» kompanııasynyń Bas dırektory Konstantın Kýlınıch.

Baıqaý 31 telearna arqyly tikeleı efırden kórsetiletin bolady.