Búgin Almatyda Dýlat Isabekovtiń 70 jyldyq mereıtoıyna arnalǵan Halyqaralyq teatr festıvali bastaý alady
ASTANA. 10 qazan. QazAqparat - 10-16 qazan aralyǵynda Almaty qalasynda kórnekti jazýshy-dramatýrg, Qazaqstan Respýblıkasy Memlekettik syılyǵynyń laýreaty Dýlat Isabekovtiń 70 jyldyq mereıtoıyna arnalǵan «Isabekov álemi» atty Halyqaralyq teatr festıvali ótedi,
dep habarlady QR Mádenıet jáne aqparat Mınıstrliginiń Baspasóz qyzmeti.
Festıval búgin saǵat 18.00-de M.Áýezov atyndaǵy Qazaq memlekettik akademııalyq drama teatrynda ashylady. Festıval qoıylymdary M.Áýezov atyndaǵy Qazaq memlekettik akademııalyq drama teatrynda, M.Lermontov atyndaǵy Memlekettik akademııalyq orys drama teatry, N.Sats atyndaǵy Memlekettik akademııalyq orys balalar men jasóspirimder teatry, Memlekettik respýblıkalyq koreı mýzykalyq komedııa teatrynyń sahnasynda kórsetiletin bolady.
Festıvalge Reseı Federatsııasynyń, Túrkııa, Bolgarııa, Tájikstan jáne Bashqurtstan Respýblıkalarynyń, sondaı-aq otandyq teatrlar qatysady. Festıvaldiń baǵdarlamasy boıynsha D.Isabekovtiń «Jaýjúrek», «Eskertkish», «Eski úıdegi eki kezdesý», «Aktrısa», «Tor», «Muragerler», «Ápke», «Qustar festıvali» pesalary kórermenniń nazaryna usynylady.
Dýlat Isabekov - dramatýrg, kóptegen pesalar men povesterdiń avtory, pýblıtsıst, Qazaqstan Respýblıkasy Memlekettik syılyǵynyń laýreaty, táýelsiz «Tarlan» syılyǵynyń ıegeri. D.Isabekovtiń shyǵarmalary ishindegi «Ápke», «Erteńgi kútý», «Anasyn ańsaǵan qyz», «Muragerler», «Tor», «Jaýjúrek», «Aktrısa», «Eski úıdegi eki kezdesý» jáne taǵy da basqalary qazaq dramatýrgııasynyń asyl qazynasyna aınalǵan. Avtordyń shyǵarmasyndaǵy eń jaǵymdy beınesi - bizdiń ómirimizdegi qıyndyqtar men taǵdyr taýqymetine qarsy tura biletin zamandasymyz, aqyryna deıin esh qurmet pen ataqsyz-aq óz kelbetin saqtap qaldyrýǵa tyrysatyn tulǵa.
Sharanyń maqsaty: Halyqaralyq mádenı baılanysty nyǵaıtý, qazaq dramatýrgııasy jáne Qazaqstan teatr ujymdarynyń ónerin nasıhattaý, erekshe ıdeıalarǵa qoldaý kórsetý arqyly dramatýrg pen teatr arasyndaǵy qarym-qatynasty damytý.
Baspasóz konferentsııasy 10 qazanda saǵ.17.00-de, festıvaldiń saltanatty ashylýy 10 qazan kúni saǵat 18.00-de, jabylýy - 16 qazanda saǵ. 16.00-de M.Áýezov atyndaǵy Qazaq memlekettik akademııalyq drama teatrynda ótedi.
