Búgin Almatyda aralas jekpe-jekten MMA serııasy boıynsha álemdik týrnır óz jalaýyn kóteredi
ALMATY. 18 naýryz. QazAqparat - Almatyda Balýan Sholaq sport kesheninde 18 naýryz kúni aralas jekpe-jekten MMA serııasy boıynsha ІІІ halyqaralyq týrnır bastalady. Atalmysh shara Naýryz merkesine arnalyp otyr.
Halyqaralyq týrnırde óz elimizdiń sportshylarymen qatar, Reseı, Sheshen, Tájikstan, Qyrǵyzstan, Daǵystan, Ózbekstan elderiniń balýandary baǵyn synaıtyn bolady. Týrnırge Qazaqstan uıymdastyrýshy el retinde tolyq quramda qatysatyn boldy. Onyń quramynda pankratıon jáne býshıdodan álem chempıony Asýlan Toqtarbaev, Reseıde ótken erejesiz jekpe-jektiń Gran-prı ıegeri Erjan Estanov, sonymen qatar, «Qazaq» degen atpen tanymal Qaırat Ahmetov bar. Ókinishke oraı, bul saıysqa qazaqstandyq Tólegen Aqylbaev qatysa almaıdy. Ol Japon eliniń birneshe dúrkin chempıony Kazýhıro Nakamýramen ótetin jekpe-jekke daıyndalýda. Esterińizge sala keteıik, ol kezdesý bir aıdan soń Almatyda ótedi.
