Búgin Almatyda ál-Farabı atyndaǵy Qazaq ulttyq ýnıvesıtetiniń 80 jyldyǵyna arnalǵan velosherý ótti

2500-ge tarta veloshabandozdyń sherýi 08.30-da "Suńqar" Halyqaralyq shańǵy tramplınder kesheninen bastaldy. Máre alańy ál-Farabı atyndaǵy Qazaq Ulttyq ýnıversıtetiniń stadıonynda belgilengen.

Sharaǵa qala ákimi Ahmetjan Esimov jáne qalalyq ákimshiliktiń qyzmetkerleri, sondaı-aq ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanov, Almaty turǵyndary, qala qonaqtary, JOO stýdentteri, velosport jankúıerleri men kásipqoı sportshylar, chempıondar, ardagerler qatysty.

"Bıyl ál-Farabı atyndaǵy Qazaq ulttyq ýnıversıtetiniń ujymy 80 jyldyǵyn toılap otyr. Bul elimizdegi eń irgeli oqý orny ekendigi ras. Munda bilikti ustazdar shoǵyrlanǵan. Olar bilim berýdiń ozyq tehnologııasyn paıdalanýda. Ýnıversıtet stýdentteri salaýatty ómir saltyn dáripteýde súbeli úles qosyp júr", - dedi qala basshysy.

Shahar basshysy ońtústik astanada 50-ge tarta JOO bar ekendigin, ári ár úshinshi stýdent QazUÝ-da bilim alyp jatqanyn atap ótti.