Búgin Almatyda 60-tan astam jol apaty boldy
ALMATY. QazAqpart – Almaty qalalyq Polıtsııa departamenti qalyń qar saldarynan seısenbi kúni 60-tan astam jol apaty tirkelgenin málim etti, dep habarlaıdy QazAqparat tilshisi.
«Qazirgi ýaqytta qalada 65 jol-kólik oqıǵasy tirkeldi. Saldarynan 13 adam zardap shekti»,- dep habarlady vedomstvodan.
Buǵan deıin Almatyda qalyń qar jaýyp, -25 gradýs aıaz bolatynyn jazǵan bolatynbyz. Erteń tuman men kóktaıǵaq bolatyny da boljanyp otyr.
Sondaı-aq ákimdik qysqy tazartý tehnologııasyna sáıkes, qala kósheleri qalaı tazartylatynyn aıtty.
Tótenshe jaǵdaılar departamentiniń ókilderi qala turǵyndary men qonaqtaryna avtokólikterdi aǵash túbine qaldyrmaýǵa keńes berdi.
Aıta keteıik, búgin túski saǵat 12:00-de bastalǵan qar toqtaýsyz jaýyp tur.
