Búgin Almatyda 50 bala saýyqtyrý lagerine attandy
«Nur Otan» HDP-nyń aýdandyq fılıaly men Áýezov aýdany ákiminiń janyndaǵy otbasy jáne áıelder isi boıynsha komıssııasynyń uıymdastyrýymen, mektep jasyndaǵy balalardy «Altaır» saýyqtyrý lagerine jiberý rásimi bolyp ótti.
Lagerge Áýezov aýdanynyń turmysy tómen otbasylarynan 50 shaqty bala attandy. Jas jetkinshekter onda 10 kún demalyp keletin bolady.
Balalardy lagerge Áýezov aýdanynyń ákim orynbasary Saıran Saıfedenov, «Nur Otan» HDP-nyń aýdandyq fılıaly tóraǵasynyń birinshi orynbasary Murat Omarov pen «Altaır» lageriniń bas dırektory Ádilbaı Álishev shyǵaryp saldy. Olar balalarǵa óz izgi nıetterin bildirip, jaqsy demalyp, oqý jylyna jańa kúsh-jigermen kelýlerin tiledi.
«Búgin sender eń úzdik demalys lagerleriniń birine barǵaly jatyrsyńdar. Ol jerde balanyń saýyǵýyna kórkemdik, tehnıkalyq, áleýmettik shyǵarmashylyǵynyń damýyna barlyq jaǵdaı jasalǵan», - dedi Áýezov aýdanynyń ákim orynbasary Saıran Saıfedenov.
Al, «Nur Otan» HDP-nyń aýdandyq fılıaly tóraǵasynyń birinshi orynbasary Murat Omarov: «Balalyq shaqty qorǵaý - memlekettik saıasattyń basty maqsattarynyń biri bolyp tabylady. Áýezov aýdanynyń ákimdigi sony múltiksiz ustanýda. Osy eń mańyzdy baǵytqa bizdiń elimiz úlken nazar aýdaryp keledi», - dep atap ótti.
Shara barysynda barlyq 50 balaǵa «Mektepke jol» aktsııasy aıasynda bilim alýǵa qajetti qural-jabdyqtar salynǵan 50 sómke syıǵa tartyldy.
Aýdan ákiminiń orynbasary Saıran Saıfedenovtyń aıtýynsha, bıylǵy jyly Áýezov aýdanynda 37 207 oqýshy mektep qabyrǵasynda bilim almaq. Olardyń 2 351 oqýshysy 11 synypqa baratyndar. Al, alǵash mektep tabaldyryǵyn attaıtyn balalardyń sany - 2000-nan asady.
