Búgin Almatyda 30-dan asa jas ǵalymdar men ónerli jastar QR Tuńǵysh Prezıdenti qorynyń granttaryna ıe boldy
ATY. 13 sáýir. QazAqparat /Názıra Eleýhan/ - Búgin Almatyda QR Tuńǵysh Prezıdenti qory qazaqstandyq jas ǵalymdar men óner qaıratkerlerine qoldaý kórsetý maqsatynda respýblıkalyq baıqaýlardyń laýreattaryna granttar tapsyrdy.
Іrgeli ǵylymı zertteýler júrgizý jáne shyǵarmashylyq jobalardy júzege asyrý úshin bıyl da baıqaý jarııalanǵan bolatyn.
Bıylǵy jyly baıqaýǵa qatysýǵa Astana, Almaty qalalarymen qatar, Qazaqstannyń barlyq aımaqtarynan ótinishter kóp túsken. Osy jyly QR Tuńǵysh Prezıdenti qory ǵylymı-zertteý jobalarǵa 4 grant, shyǵarmashylyq jobalarǵa 7 grant, dıplomdyq jobalardy iske asyrýǵa 17 grant, Frantsııada ǵylymı biliktilikti jetildirýden ótýge 1 grant, halyqaralyq baıqaýlar men kontsertterge qatysýǵa múmkindik berýge 4 grant bólgen.
«Bıyl 4-shi ret granttar tapsyryldy. Osy ýaqyt ishinde ǵylym salasynda jas ǵalymdarǵa 27 grant bóldik, al shyǵarmashylyq jobalardy qoldaýǵa 22 grant, stýdentterdiń dıplomdyq jobalaryn iske asyrýǵa 52 grant, ǵalymdardyń shet elde oqýyna 28 grant, mádenıet jáne óner salasyndaǵy saparlarǵa 40 grant bóldik. Meniń oıymsha, bul úlken kórsetkish. Barlyq grant ıegerleri qaıda bolmasyn el namysyn jáne Tuńǵysh Prezıdent qorynyń atyn qorǵaýǵa laıyqty. Bizdi jyldan jylǵa jas daryndardyń kóbeıip kele jatqandyǵy qýantady. Ózderińiz belesizder, bizdiń Qordyń maqsaty jas daryndar men ǵalymdardy qoldaý bolyp tabylady, sondyqtan da aldaǵy ýaqytta da osy ıgi isterimiz jalǵasa beredi. El jáne Memleket basshysy sizderden úlken úmit kútedi, sondyqtan sizderge júktelgen senim aqtalady dep senemin», - dedi QR Tuńǵysh Prezıdenti qorynyń dırektory Bektas Muhamedjanov. Onyń aıtýynsha, burynǵy grant ıegerleri úlken jetistikter kórsetip, kópshiligi jetekshi halyqaralyq baıqaýlar men olımpıadanyń jeńimpazdary atanýda.
Jas ǵalymdar keńesiniń tóraıymy Gúlmıra Ábdiraıymovanyń aıtýynsha, jyldan -jylǵa ǵylym salasyna ótinish berýshilerdiń sany artýda. «Bizdiń de talaptarymyz joǵarylaýda, jobalardyń mazmundylyǵyna, ózektiligine úlken mán berýdemiz. Eń bastysy - tájirıbelik nátıjesine nazar aýdaramyz. Bizdi jas mamandardyń sońǵy jyldary ǵylymǵa kóp kelýi qýantady»,-dep atap ótti ol.
Onyń aıtýynsha, bıyldan bastap, jas ǵalymdarǵa arnalǵan jańa ǵylymı jýrnal shyǵady. «Qazir «Jas ǵalym» dep atalatyn jýrnal tirkeýden ótti. Onda grant ıegerleriniń tabystary, tájirıbelik jetistikteri jarııalanyp turatyn bolady»-dedi ol.
Shyǵarmashylyq jastardyń tóraıymy Gaýhar Tasbergenovanyń aıtýynsha, shyǵarmashylyq jas talanttardyń jumystary jyldan -jylǵa qyzyqty, kólemdi bola túsýde. «Bıyl ónerli jastardyń kóp ótinish kelip tústi. Jobalardyń barlyǵy birinen biri ótedi. Jumystardyń kópshiligi úzdik te, laıyqty bolyp tabylǵandyqtan basqa salaǵa qaraǵanda bul salaǵa kóbirik grant bóldik»,-dedi ol. Onyń aıtýynsha, Qor barlyq shyǵarmashylyq JOO-men yntymaqtastyqta jumys isteıdi.
Shara sońynda grant ıegerleri ónerlerin baǵalap, qoldaý bildirgenderine alǵystaryn aıtyp, el úshin aıanbaı eńbek etetinderin jetkizdi.
