Búgin Almaty oblysynda koronavırýspen aýyrǵandar ishinde 3 jasar bala bar
TALDYQORǴAN. QazAqparat - Almaty oblysynda koronavırýspen aýyrǵandar sany 8 adamǵa artty, dep habarlaıdy QazAqparat tilshisi oblysy ákiminiń baspasóz qyzmetine silteme jasap.
Іle aýdandyq aýrýhanasynyń fıltrine júgingen atalǵan aýdanynyń 3 turǵynynyń keýdesi rentgenge túsirilip, olardan ókpe qabynýy anyqtalǵan. 1985, 1971 jáne 1967 jyly týǵan bul azamattarmen 23 adam baılanysta bolǵan. Olardyń bári oqshaýlandyryldy.
Al Kerbulaq aýdanynda COVID-19 ınfektsııasyn juqtyrǵan 5 adam tirkeldi. Olardyń eń úlkeni 35 jasta, eń kishisi 3 jasar. Syrqattarmen baılanysta bolǵan 38 adam karantınge alyndy.
Aıta keteıik, 17 sáýirdegi saǵat 20.00-degi jaǵdaı boıynsha Almaty oblysynda koronavırýspen aýyrǵandar sany 37-ge jetti.
