Búgin Almaty oblysynda 8 aılyq sábıden koronavırýs anyqtaldy
TALDYQORǴAN. QazAqparat - Búgin Almaty oblysynda koronavırýsty taǵy 13 adamnyń juqtyrǵany belgili boldy. Olardyń 9-y - Іle aýdanynyń, 3-eýi – Qapshaǵaı qalasynyń turǵyndary bolsa, 1-eýi Ýkraına azamaty, - dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Olardyń eń kishisi - 8 aılyq sábı, eń úlkeni - 1952 jyly týǵan azamat. Olarmen 39 adamnyń qarym-qatynasta bolǵany anyqtaldy. Baılanysta bolǵandardyń barlyǵy dárigerlerdiń baqylaýyna alyndy, vırýsologııalyq zertteý júrgizilýde.
Aıta keteıik, Almaty oblysynda indet juqtyrǵandar sany 86-ǵa jetti.
