Búgin Almaty oblysynda 6 aılyq baladan koronavırýs anyqtaldy
TALDYQORǴAN.QazAqparat – Búgin Almaty oblysynda koronavırýspen aýyrýdyń taǵy 11 jaǵdaıy tirkeldi. Olardyń 10-y – Іle, 1-eýi – Eńbekshiqazaq aýdanynyń turǵyny, - dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Belgili bolǵandaı, Іle aýdanynda aýyrǵandardyń barlyǵy da buǵan deıin syrqattanǵandarmen tyǵyz qarym-qatynasta bolǵan. Eńbekshiqazaq aýdany turǵynynyń syrqaty ýchaskelik dárigerdi úıge shaqyryp, tekserilgennen keıin anyqtalǵan. Aýyrǵan - 6 aılyq bala. Syrqattarmen qarym-qatynasta bolǵan barlyǵy 44 adam anyqtaldy, olardyń barlyǵy da oqshaýlandyryldy, birqatary úı karantınine alyndy, vırýs shyqqan úı oshaqtary, naýqastar turatyn podezderge dezınfektsııa júrgizildi. Epıdemıologııalyq zertteýler júrgizilýde.
Jalpy Almaty oblysynda koronavırýsty 97 adam juqtyrǵandy.
