Búgin Almaty men Petropavlda aýa sapasy nasharlaıdy
NUR-SULTAN. QazAqparat – 19 maýsym kúni Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK málimetinshe, jeksenbide elimizdegi qalalardyń basym kópshiliginde atmosferalyq aýa sapasy norma sheginde bolady.
Tek Almaty jáne Petropavl qalalarynda qolaısyz meteorologııalyq jaǵdaılar kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
