Búgin Almaty men Balqashta aýa sapasy nasharlaıdy
NUR-SULTAN. QazAqparat – «Qazgıdromet» RMK 25 jeltoqsanda elimiz qalalarynda qalyptasatyn meteorologııalyq ahýal týraly málimet usyndy, dep habarlaıdy QazAqparat.
Búgin Qazaqstannyń kóptegen qalalarynda meteojaǵdaı qolaıly bolady. Aýa sapasynyń nasharlaýy tek Almaty jáne Balqash qalalarynda kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
