Búgin Almaty men Atyraýda aýa sapasy nasharlaıdy

ASTANA. QazAqparat – «Qazgıdromet» RMK 10 qyrkúıek kúni Qazaqstan qalalarynda qalyptasatyn aýa sapasyna boljamyn jarııalady, dep habarlaıdy QazAqparat.

Jeksenbide Almaty, túnde Atyraý qalalarynda aýanyń lastanýynyń qolaısyz meteorologııalyq jaǵdaılary kútiledi. Ózge shaharlarda aýa sapasy norma sheginde bolady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.