Búgin Almaty qalasynda aýa sapasy buzylady

NUR-SULTAN. QazAqparat – 12 maýsym kúni Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.

«Qazgıdromet» RMK málimetinshe, dúısenbide elimizdegi qalalardyń basym kópshiliginde atmosferalyq aýa sapasy birqalypty bolady.

Tek Almaty qalasynda ǵana qolaısyz meteorologııalyq jaǵdaı kórinis tabýy múmkin.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.