Búgin Almaty qalalyq máslıhatynda Senat depýtattaryn saılaý májilisi bolady
MATY. 19 tamyz. QazAqparat /Erlik Erjanuly/ -Búgin saǵat 10.00-de Almaty qalalyq máslıhaty 4 shaqyrylymynyń Parlament Senaty depýtattaryn saılaý májilisi bastalady.
Al saǵat 9- dan beri daýys berý pýnkteri jumys isteýde. Májilis basynda Almaty qalalyq saılaý komıssııasynyń tóraǵasy Ádil Júnisov Senat depýtattaryn saılaýdyń tártibimen tanystyrady. Jalpy saılaý úderisi 1 saǵat 40 mınýtqa sozylady dep josparlanýda. Ádil Máýlenululynyń aıtýynsha, májiliske máslıhattyń 37 depýtatynyń 34-i qatysady.
Aıta keteıik, saılaýǵa Almatydan úsh úmitker qatysýda. Olar - Ahan Bıjanov, Qojahmet Nazarbekov jáne Erbolat Sádýaqasov. Olardyń ekeýi, atap aıtqanda, Qojahmet Nazarbekov pen Erbolat Sádýaqasovtar ózin ózi usynsa, Ahan Bıjanovty qalalyq máslıhat pen «Nur Otan» HDP usynyp otyr.
Jalpy bul saılaý úderisin Reseıden-4, Tájikstannan kelgen bir halyqaralyq baqylaýshy qadaǵalamaq. Sondaı-aq bul saıası básekeni úmitkerlerdiń senimdi ókilderi men saıası partııalardyń músheleri baqylaı alady.
