Búgin Almaty ákiminiń qabyldaýynda bolǵan turǵyndardyń kópishiliginiń máselesi sheshilmek
ALMATY. QazAqparat – «Nur Otan» partııasy Almaty qalalyq fılıalynyń tóraǵasy, qala ákimi Baqytjan Saǵyntaev qala turǵyndaryna qabyldaý ótkizdi, dep habarlaıdy QazAqparat tilshisi.
Qala turǵyndary abattandyrý, jol ınfraqurylymyn damytý jáne aýlalardy jóndeý sııaqty máseleleri boıynsha ózderin tolǵandyrǵan saýaldarǵa jaýap aldy. Osyǵan oraı, ákimniń tapsyrmasy boıynsha birqatar máseleler sheshimin tappaq.
Atap aıtqanda, Bostandyq aýdanyndaǵy aýla jaryqtandyrylady. Kelesi jylǵa oıyn alańyn salý, keıbirin kúrdeli jóndeý qarastyrylǵan.
Sondaı-aq, Naýryzbaı aýdanyndaǵy jekemenshik bilim berý mekemesin elektrmen úzdiksiz qamtamasyz etý jáne Medeý aýdanynda joldardy jóndeý máselesi sheshilmek.
Baqytjan Saǵyntaevtyń tapsyrmasyna sáıkes, arbada otyrǵan múgedek sportshylar Tarazda ótetin bodıbıldıngten ulttyq chempıonatqa qatysa alady.
Almaty metropolıteni ardageri O.Smaǵulovtyń metronyń iske qosylǵanyna 10 jyl tolý qurmetine oraı murajaı ashý jónindegi usynysy qoldaý tapty.
