Búgin alqa músheleri Messı, Ronaldý, Sýares arasynan 2014/15 maýsymdaǵy Eýropanyń úzdik fýtbolshysyn tańdaıdy
ASTANA. QazAqparat - 2015/16 Chempıondar lıgasynyń toptyń kezeńindegi jerebe tastaý rásimi aıasynda Eýropa Fýtbol odaǵy qaýymdastyǵy (ÝEFA) nusqasy boıynsha 2014-2015 maýsymdaǵy Eýropanyń úzdik fýtbolshysynyń esimi jarııalanady.
Úsh úmitkerdiń ishine argentınalyq Lıonel Messı ("Barselona"), portýgalııalyq Krıshtıaný Ronaldý ("Real") jáne ýrýgvaılyq Lýıs Sýares ("Barselona") kirdi.
Aldaǵy jyldardaǵy sııaqty qazylar alqasy ÝEFA-nyń barlyq 54 ulttyq qaýymdastyǵynyń jýrnalısterinen quralǵan. Qazylar alqasynyń ár múshesi maýsymnyń bes úzdik fýtbolshysyn atady. 35 sportshynyń ony daýys berýdiń ekinshi kezeńine ótti. Nátıjesinde úsh úmitker tańdaldy.
Úzdik fýtbolshyǵa degen syılyq ÝEFA-da 2011 jyly taǵaıyndalǵan. Osyǵan deıin laýreat atanǵandar: ıspandyq "Barselonanyń" argentınalyq shabýylshysy Lıonel Messı (2011), osy klýbtyń múshesi ıspandyq Andres Inesta (2012), "Bavarııanyń" frantsýz jartylaı qorǵaýshysy Frank Rıberı (2013), sonymen qatar madrıdtik "Realdyń" portýgalııalyq jartylaı qorǵaýshysy Krıshtıaný Ronaldý (2014).
Jerebe tastaý rásimi Máskeý ýaqytymen búgin saǵat 18:45 bastalady.
