Búgin «Alǵashqy qońyraý» kezinde Almatyda kólik keptelisi 6/10 deńgeıinde boldy

ALMATY. QazAqparat – Almatyda jalpy bilim beretin 207 mekteptiń aýmaǵynda qoǵamdyq tártip pen jol qaýipsizdigin qamtamasyz etýge 700-ge jýyq patrýldik, ıývenaldy polıtsııa jáne ýchaskelik ınspektorlar jumyldyryldy, dep habarlaıdy QazAqparat tilshisi.

Almaty qalalyq polıtsııa departamenti Jergilikti polıtsııa qyzmeti basqarmasynyń bastyǵy Erjan Uzabaev jańa oqý jylynyń bastalýyna oraı, is-sharaǵa tartylatyn kúshter men quraldardyń sáıkestigi bekitilgenin málim etti.

«Tańǵy saǵat 7-den bastap patrýldik polıtsııa ınspektorlary men mamandandyrylǵan batalon qalanyń negizgi joldaryndaǵy qozǵalysty qolmen basqarýǵa aýystyryldy. Onymen 33 jol aıryǵy qamtyldy. Sondaı-aq, keshki saǵat 18:00-den 20:40-deıin kólik keptelisin boldyrmaý úshin jeke quram qolmen basqarýǵa qoıylady», - dedi ol.

Aıta keteıik, búgin saǵat 11:30-daǵy jaǵdaı boıynsha Almatyda jol keptelisi 10 baldan 6 ball deńgeıinde boldy. Sondaı-aq, 6:00-11:00 aralyǵynda 14 jol apaty tirkelip, onyń beseýinde zardap shekkender boldy.