Búgin álemge tanymal qazaqstandyq skrıpkashylar Marat Bısenǵalıev pen Aıman Musaqojaevanyń týǵan kúni
ASTANA. QazAqparat - Búgin QR Eńbek sińirgen qaıratkeri Marat Sámetuly Bısenǵalıev pen Qazaqstannyń halyq ártisi, Ózbekstan Respýblıkasynyń eńbek sińirgen ártisi, «Álem ártisi», Qazaqstan jáne Búkilodaqtyq Jastar odaǵy syılyǵynyń, Qazaqstan Memlekettik syılyǵynyń laýreaty Aıman Qojabekqyzy Musaqojaeva dúnıege keldi.
Álemdik deńgeıdegi skrıpkashy jáne dırıjer Marat Bısenǵalıev 1962 jyly Almaty qalasynda týǵan. Marattyń ákesi Sámet Bısenǵalıev Batys Qazaqstan oblysynyń Orda aýdanynan. Qazaqstan Memlekettik syılyǵynyń laýreaty Aıman Musaqojaeva 1958 jyly Almaty qalasynda týǵan. Almaty memlekettik konservatorııasyn, Máskeý memlekettik konservatorııasyn bitirgen. 1983 jyly Qazaq memlekettik fılarmonııasynyń jeke daýystaǵy oryndaýshysy bolǵan. 1984-1997 jyldary Almaty memlekettik konservatorııasynda pedagogıkalyq qyzmetpen shuǵyldanǵan. 1998 jyldan Astana qalasyndaǵy Qazaq ulttyq óner ýnıversıtetiniń rektory.
