Búgin álemdegi alǵashqy qysqa tolqyndy pesh jasap shyǵarylǵan kún
ASTANA. 8 qazan. QazAqparat - 67 jyl buryn (1945) 8 qazan kúni Massachýsets shtatynyń turǵyny Persı Spenser qysqa tolqyndy peshti petenttedi.
Ańyz boıynsha, Spenserge ony oılap tabý ıdeıasy, ol magnetronnyń (qysqa tolqyndy elektromagnıttiý sáýle shyǵaratyn elektrondy lampa) janynda biraz ýaqyt turǵannan keıin, onyń qaltasyndaǵy shokolad erip ketkendigin baıqaǵan soń kelgen. Ekinshi nusqa boıynsha, ol qosylyp turǵan magnetronǵa qoıylǵan býterbrod ysyǵandyǵyn baıqaǵan.
Alǵashqy joǵary jıilikti peshter, naqty aıtqanda, bıiktigi 175 santımetr, salmaǵy 340 keli shkaftar boldy jáne olar armııanyń ashanalaryna jáne úlken meıramhanalarǵa arnaldy. Úıdegi qoldanysqa arnalǵan anaǵurlym shaǵyn peshter 1955 jyly shyǵaryla bastady. Qysqa tolqyndy pesh - tamaqty tez daıyndaýǵa, ysytýǵa jáne tońazytqyshtan shyqqan azyq-túlikti jyldam jibitýge arnalǵan - turmystyq elektroqural. Ol 2450 MGts jıilikte jumys isteıdi.
Ózge quraldarmen salystyrǵanda (dýhovka, ózge de peshter) qysqa tolqyndy peshte azyq-túlikti ysytý klassıkalyq peshtegi sııaqty ústińgi qabattan emes, kólemnen bolady. Sebebi radıotolqyndar azyq-túlikke tereńinen ótedi. Bul asty ázirleý ýaqytyn azaıtady. Alǵashqy turmystyq serııaly qysqa tolqyndy peshti 1962 jyly japondyq Sharp fırmasy jasap shyǵardy.
