Búgin álemde Kún kúni atalyp ótýde
ASTANA. QazAqparat - Búgin álemde Kún kúni - Jerge jaqyn juldyzdyń kúni atalyp ótilýde.
Jer úshin Kún - ǵarysh energııasynyń kózi. Ol ósimdik pen janýarlar álemine qajetti jaryq pen jylý berip, Jerdegi atmosferanyń mańyzdy qasıetterin qalyptastyrady. Jalpy, Kún planetanyń ekologııasyn anyqtaıdy. Onsyz ómir súrýge qajetti aýa bolmas edi. Ol muz bolyp qatyp qalǵan sý men qurylyqta suıyq azotty muhıtqa aınalar edi. Biz úshin mańyzdysy, Kúnniń mańynda bizdiń ǵalamsharymyz paıda boldy, odan soń onda tirshilik paıda boldy.
Kúnniń kózi, jel, teńiz tolqyndary men bıomassa bizdi qorshap turǵan jáne paıdalanýǵa bolatyn energetıkalyq shıkizat. Ony jerdiń astynan qazyp alýdyń qajeti joq, ol radıoaktıvti qaldyqtardyń, zııandy zattardyń paıda bolýyna ákelmeıdi, ol qaıta jańartylatyn energııa, dep habarlady Calend.
1994 jyldan bastap Kún energııasy halyqaralyq qoǵamynynyń Eýropalyq bólimi jańartylǵan energııa kózin paıdalaný múmkindigine nazar aýdarý úshin erkindilik negizinde jyl saıyn Kún kúnin uıymdastyrady. Entýzıasttar men kásipqoı mamandar, qoǵamdyq uıymdar men búkil Eýropanyń fırmalary ár túrli merekelik sharalar uıymdastyrady jáne kún energııasyn paıdalaný múmkindigi týraly demonstratsııa ótkizedi.
