Búgin álem kınojuldyzdaryna «Oskar» syılyǵy tapsyrylady
ASTANA. 27 aqpan. QazAqparat - AQSh-ta Los-Andjeles qalasynda Gollıvýdtyń 3 myńnan astam juldyzdary - akterler, rejısserler, prodıýserler, stsenarıster - búgin amerıkandyq kınoakademııanyń «Oskar» syılyǵy tapsyrylýy saltanatyn asyǵa kútýde,
dep habarlaıdy reseılik «Jańalyqtar» agenttigi.
Álemdik kınonyń dástúrli saltanaty ótetin Kodak teatrynyń aldyna nomınanttar úshin qyzyl kilemnen jol tóselgen.
«Oskar» altyn músinshelerin tapsyrý saltanaty álemniń 225 elinde tikeleı efırden taratylady - ol úshin AVS arnasy shoýdyń búkil kórinisin tus-tustan kórsetetin 20 telekamera qoıǵan.
«Oskar» syılyǵynyń nomınanttary arasynda Martın Skorsezdiń «Ýaqytty saqtaýshy» (11 atalym) jáne aǵymdaǵy maýsymnyń basty favorıti - Mıshel Hazanavıchıýstiń «Artıst» fılmderi bar. Eki kartına da negizgi atalymdarǵa (tańdaýly fılm, tańdaýly rejıssýra, stsenarıı) úmittenip otyr. Basty nagradaǵa úmitkerlerdiń arasynda sondaı-aq «Urpaqtar», «Óte qatty jáne múldem jaqyn daýys», «Kútýshi», «Parıjdegi tún ortasy», «Bárin ózgertken adam», «Ómir aǵashy», «Áskerı at» fılmderi engen.
Basty erler rólderi úmitkerleri: Djordj Klýnı, Bred Pıtt, Jan Dıýjardın, Gerı Oldmen, Demıan Bıshır
Tańdaýly áıel rólderi bestiginiń úmitkerleri: Glenn Klos, Merıl Strıp, Vaıola Devı, Mıshel Ýılıams, Rýnı Mara.
«Oskar» syılyǵy saltanatyn reseılik «Birinshi telearna» búgin túnde máskeý ýaqytymen 04 saǵat 30 mınýtta tikeleı efırden kórsetedi.
