Búgin álem chempıonatynda qazaqstandyq eki boksshy rıngke shyǵady

ASTANA. QazAqparat - Ózbekstan astanasy Tashkent qalasynda ótip jatqan álem chempıonatynda búgin, 1 mamyrda qazaqstandyq eki boksshy rıngke shyǵady, dep habarlaıdy QazAqparat tilshisi.

Jarystyń alǵashqy kúninde el quramasynan Talǵat Syrymbetov (60 keli) jáne Aıbek Oralbaı (92 keli) básekege túsedi.

Talǵat Syrymbetov taılandtyq Sakda Rýamthama (15-jup, A rıngi), Aıbek Oralbaı bolgarııalyq Radoslav Pantaleevpen (17-jup, B rıngi) qolǵap túıistiredi.

Aıta keteıik, álem chempıonatynda el quramasynan Sanjar Táshkenbaı (48 keli), Sáken Bıbosynov (51 keli), Mahmýd Sabyrhan (54 keli), Serik Temirjanov (57 keli), Talǵat Syrymbetov (60 keli), Sanatálı Tóltaev (63,5 keli), Dýlat Bekbaýov (67 keli), Aslanbek Shymbergenov (71 keli), Nurqanat Raıys (75 keli), Nurbek Oralbaı (80 keli), Saǵyndyq Toǵambaı (86 keli), Aıbek Oralbaı (92 keli), Qamshybek Qońqabaev (92 keliden joǵary) baq synaıdy.

Eske salsaq, álem chempıonatynda jeńimpaz atanǵan qazaqstandyq boksshylarǵa 100 myń dollardan beriledi.