Búgin Aqtóbede mektepter men kópqabatty úılerge jylý berý toqtatylady
Turǵyn úılerdi jylytý júıesinen ajyratý úshin táýliktiń ortasha aýa raıy 5 táýlik boıy +10 gradýsten tómen bolmaýy qajet.
Aqtóbe qalasy ákimdiginiń sheshimimen turǵyn úılerge, mektepterge jylý berý jeksenbi, 17 sáýirden bastap toqtatylady.
Al mektepke deıingi mekemelerge jáne medıtsınalyq mekemelerge 28 sáýirden bastap jylý berilmeıdi.
Alda jyl saıynǵy «Aqtobe su-energy group» AQ-nyń «Aqtóbe JEO» AQ-men birlesip atqaratyn magıstraldy jáne ishki kvartaldy jylý jelilerin kóktemgi gıdravlıkalyq synaq jumystary tur.
«ıAǵnı, jylýmen jabdyqtaý júıesi jylyna eki ret: kúzde jáne kóktemde tekseriledi. Osyǵan baılanysty, 11 mamyr men 13 mamyr aralyǵynda Aqtóbe qalasyn ystyq sýmen jabdyqtaý ýaqytsha úsh kúnge toqtatylatynyn eskertemiz» dep habarlady oblys ákiminiń baspasóz qyzmeti.