Búgin Aqtóbe-Orsk tas jolynyń 16-135-shi shaqyrymynda barlyq kólik túrleriniń qozǵalysyna shekteý qoıyldy
ASTANA. 27 naýryz. QazAqparat - «Búgin Aqtóbe-Orsk tas jolynyń 16-135-shi shaqyrymynda barlyq kólik túrleriniń qozǵalysyna shekteý qoıyldy», - dep habarlaıdy «Qazavtojol» respýblıkalyq memlekettik kásipornynyń baspasóz qyzmeti.
«Shekteý burqasyn bolyp, joldyń múldem kórinbeýine baılanysty Astana ýaqyty boıynsha 16:20-de engizildi», - delingen habarlamada.
«Qazgıdromet» respýblıkalyq memlekettik kásipornynyń derekterinshe, 27-shi jáne 28-shi naýryz kúni Aqtóbe oblysynda qar jaýyp, jaýyn-shashyn bolýy yqtımal. Boran turyp, kóktaıǵaq bolyp, ońtústik batystan soqqan jel kúshi 17-22 metrge deıin jetýi múmkin.
