Búgin Aqtóbe qalasynda aýa lastanady
NUR-SULTAN. QazAqparat – Búgin Qazaqstannyń 1 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na silteme jasap.
«2022 jylǵy 13 maýsymda Aqtóbe qalasynda qolaısyz meteorologııalyq jaǵdaılar kútilýde»,-delingen habarlamada.
Ózge shaharlarda atmosferalyq aýa sapasy norma sheginde bolady.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
