Búgin AQSh-ta prezıdenttik saılaý ótedi
ASTANA. 6 qarasha. QazAqparat - 2012 jyldyń 6 qarashasy kúni AQSh-ta prezıdenttik saılaý ótedi, bul Amerıkada ótetin 57-shi prezıdenttik saılaý bolmaq.
Aldymen, qarashada ótetin jalpyhalyqtyq daýys berý barysynda saılaýshylar - saılaý barysynda ózderiniń jerlesteriniń qalaýyn jetkizetin qandaı da bir shtattyń eń laıyqty turǵyndaryn anyqtaıdy. Dál osylar 2012 jyldyń jeltoqsanynda alqa májilisinde AQSh-tyń prezıdentin jáne vıtse-prezıdentin tańdaýy tıis.
Qurama shtattardyń qazirgi prezıdenti Barak Obama ekinshi merzimge kandıdat retinde Demokratııalyq partııanyń atynan usynylyp otyr. Saılaý básekesinde vıtse-prezıdent laýazymy úshin B.Obamaǵa serik bolatyn - óziniń dosy jáne qyzmettesi Djozef Baıden.
Respýblıkalyq partııaǵa keletin bolsaq, partııalastarynyń arasynda uzaq ýaqyt boıy kóshbasshy bolyp kelgen pıtstserııalar jelisiniń ıegeri, qara násildi German Keıin atyshýly seks-janjaldarǵa qatysty basy daýǵa qalǵannan keıin, prezıdenttik kreslo úshin jarystan túsý sheshimin qabyldady. Nátıjesinde partııa prezıdenttikke úmitker retinde Massachýsets shtatynyń burynǵy gýbernatory Mıtt Romnıdi, al vıtse-prezıdenttikke Pol Raıandy usyndy.
AQSh-tyń jańa prezıdentin ulyqtaý 2013 jyldyń 20 qańtarynda ótedi dep josparlanýda.
