Búgin Air Astana jáne FlyArystan reısteri keshiktirilýi múmkin

ASTANA. QazAqparat – Búgin Air Astana jáne FlyArystan reısteri keshiktirilýi múmkin, dep habarlaıdy QazAqparat áýe kompanııasynyń baspasóz qyzmetine silteme jasap.

10 tamyzda Air Astana jáne FlyArystan kompanııalarynyń birneshe reısi keshigip ushqan. Oǵan tehnıkalyq, meteojaǵdaılar, qustarmen soqtyǵysý jáne Shymkentte túngi ýaqytta 28 qoný kýrsynyń jabylýy sebep bolǵan.

Kompanııa búgin de reısterdiń keshigýi múmkin ekenin eskertti.

Aıta ketsek, Májilis depýtaty Samat Musabaev ushaq keshigip ushatyn bolsa, áýe kompanııasynan bılet qunynyń tıisti bóligin qalaı qaıtaryp alýǵa bolatynyn túsindirip bergen edi.