Búgin - Agressııa qurbany bolǵan jazyqsyz balalardyń halyqaralyq kúni

Birikken Ulttar Uıymy Agressııa qurbany bolǵan jazyqsyz balalardyń halyqaralyq kúnin soǵystar barysynda tek soldattar ǵana emes, soǵys qımyldary aımaǵynda balalardyń da qaza bolatynyn umytpaý úshin bekitti. Álemdi sharpyp jatqan jantúrshigerlik lańkestik shabýyldar kóptegen jazyqsyz balalardyń da ómirin qyrshynynan qııýda jáne osynaý oqıǵalar halyqaralyq lańkestikten taraıtyn qaýiptiń jańa ólshemderin adamzatqa aıqyndap berýde.

1982 jylǵy tamyzdyń 19-ynda Palestına máselesi boıynsha ótken Birikken Ulttar Uıymy Bas Assambleıasynyń tótenshe arnaıy sessııasynyń sheshimimen jáne 1982 jylǵy maýsymnyń 4-indegi Izraıl Qarýly Kúshteriniń Beırýttaǵy turǵyn úı aýdandaryn bombalaýynyń bir jyldyǵyna oraı, bul ataýly kún 1983 jyldan bastap atap ótiledi.