Búgin - adamzattyń ǵaryshty ıgerý dáýiri bastalǵan kún

ASTANA. QazAqparat - Búgin adamzat úshin ǵaryshty ıgerý dáýiriniń bastalǵan kúni. 4-10 qazan - Dúnıejúzilik ǵarysh aptalyǵy.

1957 jyly qazannyń 4-inde Baıqońyr ǵarysh aılaǵynan ǵalamshar tarıhynda alǵash ret jerdiń jasandy serigi ushyryldy.

1967 jyldyń qyrkúıek aıynda Halyqaralyq astronavtıka federatsııasy bul kúndi mereke dep jarııalady. Bul mereke jer betindegi adamzattyń ómirin jaqsartýǵa ǵaryshtaný ǵylymy men tehnologııasynyń qosqan úlesin qurmetteý maqsatynda 1999 jylǵy jeltoqsannyń 6-daǵy BUU Bas Assambleıasynyń 54/68 qararyna sáıkes ótkiziledi.