Búgin Adamzattyń ǵarysh dáýiri bastalǵan kún
ASTANA. 4 qazan. QazAqparat - Búgin Adamzattyń ǵarysh dáýiri bastalǵan kún. Osy ataýly kúnge baılanysty Dúnıejúzilik ǵarysh aptalyǵy bastaldy.
Ǵarysh dáýiri bastalǵan kúndi 1967 jylǵy qyrkúıekte Halyqaralyq astronavtıka federatsııasy jarııalaǵan. BUU Bas Assambleıasy 1999 jylǵy 6 jeltoqsanda adam ál-aýqatyn jaqsartýǵa ǵarysh ǵylymy men tehnıkasy qosatyn qomaqty úlesti atap kórsetý maqsatymen 4 qazan men 10 qazan aralyǵyndaǵy aptany Dúnıejúzilik ǵarysh aptalyǵy (World Space Week) dep jarııalady.
Adamzat ǵarysh dáýiriniń bastalýy kúni - Qazaqstan úshin aıryqsha mereke. 1957 jyly 4 qazanda naq Qazaqstan topyraǵynan ǵalamshar tarıhynda tuńǵysh ret Jerdiń jasandy serigi ǵaryshqa shyqty jáne Jerdiń tuńǵysh ǵaryshkeri ıÝrıı Gagarın osy jerden ǵaryshqa kóterildi. Naq Baıqońyr ǵaryshqa ushqan keńestik, sosyn reseılik jáne sheteldik ǵarysh kemeleri úshin de basty ǵarysh aılaǵyna aınaldy.
Qazaq ǵaryshkeri Talǵat Musabaev Gınness rekordtar kitabyna engizilgen: bir ushý merziminde oǵan deıin eshkim ashyq ǵaryshta bir táýlikten artyq bolyp kórmegen.
