Búgin Adamzat úshin ǵarysh dáýiri bastalǵan kún
ASTANA. 4 qazan. QazAqparat - Búgin Adamzat úshin ǵarysh dáýiri bastalǵan kún. Osy ataýly kúnge baılanysty Dúnıejúzilik ǵarysh aptalyǵy bastaldy.
Ǵarysh dáýiri bastalǵan kúndi 1967 jylǵy qyrkúıekte Halyqaralyq astronavtıka federatsııasy jarııalady. BUU Bas Assambleıasy 1999 jylǵy 6 jeltoqsanda adam ál-aýqatyn jaqsartýǵa ǵarysh ǵylymy men tehnıkasy qosatyn qomaqty úlesti atap kórsetý maqsatynda, 4 qazan men 10 qazan aralyǵyndaǵy aptany Dúnıejúzilik ǵarysh aptalyǵy (World Space Week) dep jarııalady.
Adamzat úshin ǵaryshty ıgerý dáýiriniń bastalǵan kúni - Qazaqstan úshin aıryqsha mereke. 1957 jyly 4 qazanda naq Qazaqstan topyraǵynan ǵalamshar tarıhynda tuńǵysh ret Jerdiń jasandy serigi ǵaryshqa attandy jáne Jerdiń tuńǵysh ǵaryshkeri ıÝrıı Gagarın osy jerden ǵaryshqa kóterildi. Naq osy Baıqońyr KSRO, odan keıin reseılik jáne sheteldik ǵarysh kemeleri keńistikke attanyp otyrǵan basty ǵarysh aılaǵy boldy.
Qazaq jurty ǵarysh keńistigin baǵyndyrǵan alǵashqy qazaq Toqtar Áýbákirovpen jáne bir ushý merziminde ashyq kosmosta bir táýlikten artyq bolyp, Gınness rekordtar kitabyna engen Talǵat Musabaevpen maqtana alady.
