Búgin Abaıdyń ósıeti keshegiden de mańyzdy bolyp otyr – ǵalym
«Qazaq eli – óziniń ótkenin, tarıhyn, mádenı murasyn únemi maqtanyshpen dáriptegen tekti halyq. Nebir zobalańdy bastan keshirse de, ótkenge salaýat aıtyp, bolashaqqa úmitpen qaraı bilgen parasatty el.
Búginde HHІ ǵasyrdaǵy damyǵan táýelsiz qazaq eli Uly Abaı murasyn búkil álemge taǵy bir qyrynan pash etkeli otyr. Uly danyshpannyń 175 jyldyq mereıtoıy qarsańynda, 2020 jyldyń 9 qańtary kúni, «Egemen Qazaqstan» gazetinde Memleket basshysy Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasy jaryq kórdi.
Abaı shyǵarmashylyǵy – ómirsheń, qashanda ózekti, urpaq úshin qaı ǵasyrda da rýhanı azyq, ónegeli tárbıe joly. Parasattylyq pen ádilettiliktiń aıqyn kórinisi, qaınar bulaǵy. Osy turǵydan, Abaı murasynyń búgingi HHІ ǵasyrdaǵy Qazaqstannyń saıası-áleýmettik, mádenı damýynda alatyn ornyn Memleket basshysy joǵary baǵalaǵan», – deıdi N.Smaǵulova.
Ǵalymnyń sózinshe, Abaı shyǵarmalaryndaǵy ǵylym men bilim taqyrybynyń búgingi bilim berý júıesiniń negizine, ıdeıasyna aınalyp otyrǵany anyq.
«Maqalada Memleket basshysy: «Abaı qazaqtyń damylsyz oqyp-úırengenin bar jan-tánimen qalady. «Ǵylym tappaı maqtanba» dep, bilimdi ıgermeıinshe, bıikterdiń baǵyna qoımaıtynyn aıtty. Ol «Biz ǵylymdy satyp mal izdemek emespiz», – dep tujyrymdap, kerisinshe, el dáýletti bolýy úshin ǵylymdy ıgerý kerektigine nazar aýdardy. Uly Abaıdyń «Paıda oılama, ar oıla, Talap qyl artyq bilýge» degen ónegeli ósıetin de osy turǵydan uǵynýymyz qajet.
Bul tujyrymdar qazir de asa ózekti. Tipti burynǵydan da zor mańyzǵa ıe bolyp otyr. Sebebi, HHІ ǵasyrdaǵy ǵylymnyń maqsaty bıikke umtylý, alysqa qulash sermeý ekenin kórip otyrmyz», – dep búgingi jas urpaqtyń bilim men ǵylymdy ıgerýdegi qulshynysyna serpin beredi», – deıdi N.Smaǵulova.
Osy rette, ǵalym ult ulylyǵyn tanytý – eldik pen birlik kelbeti ekenin atap kórsetti.
«Abaı til úırenýdi dáriptedi, nasıhattady. Til bilýdiń paıdasyn tanytýdy maqsat etti. Álem tilderin meńgerý ǵalamdyq órkenıetke qulash sermeýdiń birden-bir kepili ekenin búgingi kún aıqyn kórsetip otyr. Uly Abaıdyń ózekti máseleni óz urpaǵynyń ıgiligi úshin sol kezde kóterýiniń ózi onyń danyshpandyǵyn kórsetedi.
Memleket basshysy Qasym-Jomart Toqaevtyń bul maqalasy eldik pen kisiliktiń, parasat pen paıymnyń temirqazyǵyna aınalǵan Abaı murasyn zamana kókjıeginen baǵamdap, zerttep-zerdeleýge tyń serpilis beretini qýantady», – dep túıindedi N.Smaǵulova.
