Búgin 7-Qysqy Azııalyq oıyndardyń resmı ashylýy bolady - Astana
ASTANA-ALMATY. 30 qańtar. QazAqparat /Qalamqas Ábýova/ - Búgin Astanada VII Qysqy Azııalyq oıyndardyń resmı ashylýy bolady. Sportshylar men qonaqtardyń aldynda Qazaqstan Prezıdenti Nursultan Nazarbaev sóz sóıleıdi dep kútilýde.
Azıadanyń ashylý rásimi jergilikti ýaqyt 19.00-de «Astana-Arena» stadıonynda ótedi. Ashylý saltanaty «Qazaqstan», «Habar», «Caspionet» telearnalarynyń tikeleı efırinen kórsetiledi.
Azıada oıyndarynyń tarıhy 1952 jyldan bastalady. Al 1986 jyly alǵash ret qysqy Azıada oıyndary uıymdastyryldy. Aýqymdy jarys tórt jylda bir ret ótkizilip turady. Azıda oıyndary Azııanyń Olımpıadalyq keńesiniń basshylyǵymen júzege asyrylady.
Qysqy Azıada oıyndarynyń tarıhyna úńiletin bolsaq, alǵashqy jarys 1986 jyly Sapporo (Japonııa) qalasynda 1-8 naýryz aralyǵynda ótken. Munda sporttyń 8 túri boıynsha júldeler sarapqa salynǵan. Atalmysh jarysqa 7 eldiń sportshylary qatysyp, tek 4 eldiń sportshylary ǵana júldeli oryndarǵa ıe bolǵan. Ekinshi qysqy Azıada oıyndary 1990 jyldyń 9-14 naýryz aralyǵynda taǵy da Sapporo qalasynda ótti. Munda sportshylar sporttyń 6 túri boıynsha baq synasty. 10 eldiń sportshylary qatysqan ekinshi qysqy Azıada oıyndarynan 5 eldiń sportshylary ǵana elderine júldemen oralǵan.
Qazaqstan Respýblıkasy 1996 jyly 4-11 aqpanda Harbın (Qytaı) qalasynda ótken úshinshi qysqy Azıada oıyndaryna alǵash ret qatysty. Bul joly sporttyń 7 túri boıynsha medaldar sarapqa salynǵan. Qytaı jerinde ótken jarysqa 17 eldiń sportshylary qatysyp, 5 eldiń sportshylary júldeli oryndardy ózara bólisken. Baıraqty básekede qazaqstandyq sportshylar 14 altyn medal enshilep, jalpy komandalyq esepte 2 orynǵa turaqtady.
1999 jyly Kangvon (Koreıa) qalasynda ótken 4-shi qysqy Azıada oıyndarynda da Qazaqstan sportshylary jaqsy óner kórsetti. Olar 10 altyn, 8 kúmis jáne 7 qola júldeni qanjyǵalaryna baılaǵan. 2003 jyly Aomorı (ıAponııa) qalasynda ótken jarysta da qazaqstandyqtar tamasha oıyn órnegin kórsete bildi. Japon jerinde otandastarymyz 7 altyn, 7 kúmis jáne 6 qola medalǵa ıe bolǵan. Al 2007 jyly Changýın (Qytaı) qalasynda ótken 6-shy qysqy Azıada oıyndarynda qazaqstandyq sportshylar 6 altyn, 6 kúmis jáne 6 qola medaldy qanaǵat tutty.
Buǵan deıin qysqy Azıda oıyndary tek qana Japonııa, Qytaı, Koreıa elderinde ǵana ótkizilip kelgen. Qazaqstan Respýblıkasy Azııa qurlyǵynan qysqy Azıada oıyndaryn ótkizýge joldama alǵan tórtinshi el bolmaq.
2005 jyly qurylǵan Azııanyń olımpıadalyq keńesiniń bas assambleıasy 2011 jyly ótetin 7-shi qysqy Azıada oıyndaryn Almaty qalasynda ótkizý týraly sheshim qabyldady. Qazaqstannyń Astana men Almaty qalalarynda ótetin 7-shi qysqy Azıada oıyndary 8 kúnge sozylady dep josparlanýda. 2011 jyly 30 qańtarda sharanyń saltanatty ashylý rásimi bolady. 7-shi qysqy Azıada oıyndary 6 aqpan kúni óz máresine jetedi.
