Búgin 5 qalada aýa sapasy nasharlaıdy
ASTANA. QazAqparat – «Qazgıdromet» RMK 6 shildede Qazaqstan qalalarynda qalyptasatyn meteorologııalyq ahýalǵa boljamyn jarııalady, dep habarlaıdy QazAqparat.
Atap aıtqanda, sársenbide Pavlodar, Astana, Almaty qalalarynda, túnde Atyraý men Rıdder qalalarynda aýa sapasy nasharlaıdy. Ózge shaharlarda meteoahýal norma sheginde bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
