Búgin 5 qalada aýa sapasy nashar bolady
NUR-SULTAN. QazAqparat – «Qazgıdromet» RMK 29 sáýirde Qazaqstan qalalarynda qalyptasatyn atmosferalyq aýa sapasyna boljamyn jarııalady, dep habarlaıdy QazAqparat.
Sınoptıkter málimetinshe, juma kúni Nur-Sultan, Almaty, Atyraý, Qaraǵandy jáne Temirtaý qalalarynda qolaısyz meteorologııalyq jaǵdaı kútiledi.
Ózge shaharlarda atmosferalyq aýa sapasy norma sheginde bolady. Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
