Búgin 3 qalada jaısyz meteojaǵdaı qalyptasady

ASTANA. QazAqparat – 4 tamyzda elimizdiń kóptegen qalasynda qolaıly meteorologııalyq jaǵdaı saqtalady, dep habarlaıdy QazAqparat «Qazgıdromet» RMK-ǵa silteme jasap.

Sınoptıkterdiń boljamy boıynsha, tek Almaty, Aqtóbe qalalarynda, sondaı-aq túnde Atyraý qalasynda aýa sapasy birshama nasharlaıdy.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.