Búgin 3 qalada qolaısyz meteojaǵdaı kútiledi
NUR-SULTAN. QazAqparat – «Qazgıdromet» RMK elimiz qalalaryndaǵy aýa sapasy týraly málimet usyndy, dep habarlaıdy QazAqparat.
Sınoptıkter boljamyna sáıkes, 19 sáýirde Nur-Sultan, Almaty jáne Aqtóbe qalalarynda qolaısyz meteorologııalyq jaǵdaı kútiledi.
Ózge shaharlarda atmosferalyq aýa sapasy norma sheginde bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
