Búgin 160 myń túlektiń mektep bitirý keshi ótýde
ASTANA. 21 maýsym. QazAqparat - Búgin jalpy bilim beretin mektepterdiń 160 myń burynǵy oqýshylary úshin umytylmas kún - mektep bitirý keshi ótýde, dep habarlaıdy QR Bilim jáne ǵylym mınıstrliginiń baspasóz qyzmetinen.
Árbir oqý jylyn aıaqtaýshy jarqyn oqıǵa - mektep bitirý keshi. Ony túlekter erekshe tolqýmen kútýde, óıtkeni olar úshin bul balalyqpen, mekteppen, muǵalimdermen jáne mekteptegi dostarmen qoshtasý kúni. Jáne eń bastysy - eresek ómirge alǵashqy qadamdary.
Mektep bitirý baly árbir ýaqytta jas júrekterdiń adamgershilik tazalyǵynyń, ashyqtyǵy men meıirimdiliginiń, túlekterdiń ata-analary men ustazdaryna alǵysynyń belgisi boldy.
Túlekter keshiniń qurmetti qonaqtary bolyp alǵashqy ustazdary, ata-analar, kent nemese qalanyń qurmetti jáne tanymal turǵyndary keledi. Mektep bitirýshilerdi jergilikti ákimdikterdiń, máslıhattardyń, qamqorlyq jasaǵan kásiporyndar, qoǵamdyq uıymdardyń ókilderi de quttyqtaıdy.
Túlekterdi sondaı-aq «Jas Ulan», «Jas Qyran» respýblıkalyq qozǵalystarynyń, jastardyń qoǵamdyq uıymdarynyń kóshbasshylary, «Nur Otan» HDP jastar qanatynyń belsendileri quttyqtaýǵa keledi.
Búginde mektepterdegi ınteraktıvtik jabdyqtar ótken jyldarda bitirip ketken oqýshylarmen «on-laın» rejıminde telekópirlerdi ótkizýge múmkindik beredi. Mektepter Prezıdenttiń «Bolashaq» baǵdarlamasy boıynsha shetelde tabysty bilim alyp júrgen túlekterin erekshe maqtan tutady.
Bilim jáne ǵylym mınıstrligi mektep bitirý keshterin týǵan mektep qabyrǵasynda, nemese balalardyń ómirleri men densaýlyqtary úshin qaýipsiz basqa oryndarda ótkizýge keńes beredi.
Jergilikti atqarýshy organdar, bilim uıymdarynyń jetekshileri balalardyń ómirleri men densaýlyqtarynyń qaýipsizdigi máselelerin erekshe baqylaýǵa aldy.
