Búgin 1500-den astam qazaqstandyq jas sarbaz áskerı ant qabyldady

ASTANA. QazAqparat - Búgin Qazaqstan Qarýly Kúshteriniń «Ońtústik», «Shyǵys», «Batys» óńirlik qolbasshylyqtary men Aeroutqyr áskerlerinde ásker qataryna jańadan qosylǵan sarbazdardyń áskerı ant qabyldaý rásimi ótti, dep habarlaıdy QR Qorǵanys mınıstrliginen.

«Osy kúzde elimizdiń barlyq óńirlerinen áskerı qyzmetke shaqyrylǵan jas býyn Otan men áskerı boryshqa adal bolýǵa ant berdi. Jas sarbazdardy osy osy saltanatty oqıǵamen olardy komandırleri, Uly Otan soǵysynyń ardagerleri, jergilikti atqarýshy bılik ókilderi, ata-analary men shaqyrylǵan qonaqtar quttyqtady», delingen habarlamada. Qazirgi ýaqytta jas áskerı qyzmetshiler áskerı ǵylymdy meńgerý jolynda jaýyngerlik oqýǵa aralasyp, óz bólimsheleriniń quramynda jalpy áskerı daıarlyqtan ótýde. Áskerı ant - áskerı ómirdiń negizgi jáne myzǵymas zańy. Ol memlekettik jáne quqyqtyq qujat kúshine ıe ári jaýyngerdiń Otan aldyndaǵy boryshyn oryndaý jónindegi saltanatty anty bolyp tabylady.