Búgin - 121 jyl buryn tuńǵysh Olımpıada oıyndarynyń alaýy tutanǵan kún
ASTANA. QazAqparat - Búgin osydan 121 jyl buryn tuńǵysh Olımpıada oıyndarynyń alaýy tutanǵan kún, dep habarlaıdy QazAqparat tilshisi.
Osydan 121 jyl buryn, ıaǵnı 1896 jyldyń 5 sáýirinde Grekııanyń Afıny qalasynda І jazǵy Olımpıada oıyndarynyń alaýy tutanǵan bolatyn.
Alǵashqy Olımpıada oıyndary 10 kúnge sozyldy. Jarysta 14 memleketten 241 sportshy óner kórsetti.
Jarys baǵdarlamasyna aýyr atletıka, júzý, nysana kózdeý, tennıs, semserlesý, kúres, velosport, jeńil atletıka, sporttyq gımnastıka sekildi sport túrleri endi. Jalpy, 43 medal jıyntyǵy sarapqa salyndy.
Tuńǵysh Olımpıadanyń alǵashqy altyn medalin úsh qarǵyp sekirý saıysynan AQSh sportshysy Djeıms Konnollı jeńip aldy. Osylaısha onyń esimi tuńǵysh Olımpıada chempıony retinde tarıhta qaldy.
Komandalyq esepte 11 altyn, 7 kúmis jáne 2 qolany oljalaǵan AQSh quramasy birinshi oryndy ıelendi. Ekinshi oryndy 10 altyn, 17 kúmis jáne 19 qola medal oljalaǵan jarys qojaıyndary qanjyǵasyna baılasa, 6 altyn, 5 kúmis jáne 2 qolany ıelengen Germanııa sportshylary úzdik úshtikke qol jetkizdi.
